KOKOJOKOA play online

Hara! Kokoak marrazketa koadernoan gorde dira! Bazatoz jokoz-joko Iki, Raz, Meme, Koi, Poz, Ule eta Fux aurkitzera? Irudi bitxiz beteriko bidaia biziko dugu!!

Kokojokoa Io pertsonaiak kokoen bila burutuko duen 4 jokotxo + 4 jokoz osaturiko ibilbide irudimentsua da.
Haur txikiei zein marrazki bitxiekiko interesa duen edonori zuzendurikoa da. Oso intuitiboa da. Io izeneko pertsonaia izango dugu bidelagun eta marrazketa koadernoan gorde diren 7 kokoak aurkitzen lagunduko diogu. Horretarako, kopetako argia piztu, brotxa surfeatu, kitarra-artazia jo eta emozioak erabakita, KUKUKA (bikote jokoa), OKER-KER (segida jokoa), KLIX-KLAX (puzzle jokoa) eta BOR-BOR (emozioen jokoa) osatuko ditugu eta opari bat jasoko dugu: Kokoen eskulan baterako bideo-ideia!
Jokoak ez du oso iraupen luzea eta nahi beste aldiz jokatu daiteke jarraian.
Hau da gure helburu nagusia: kokoen laguntzaz eta joko labur honen bidez burua ideiaz bete ostean, pantaila itzali eta haurrari eskuz marrazkiak zein eskulanak burutzeko gogoa piztea.

EGILEAK
KOKOAK (Eider Eibar eta Iskander Sagarminaga) egileen ideia batetik abiatutako jokoa da. Eider Eibar haur literaturako ilustratzaileak marraztu ditu jokoko edukiak. Eusko Jaurlaritzaren laguntzaz KOKOAK eta HARROBIAK elkarlanean buruturiko jokoa da. Programazioa: Josu Cobelo / Koordinazioa: Zuri Alvarez / Musika: Mikel Iraurgi / Testuak: Miren Amuriza.

EZAUGARRIAK
\t4,5,6,7,8,9 eta 10 urteko haurrentzako gomendaturiko jokoa.
\tEider Eibar ilustratzaileak sorturiko pertsonaia eta marrazki hauek denon irudimena piztea dute helburu.
\tAzalpenak oso sinpleak dira, testu gutxikoak eta jokoetan hitz solteak baino ez dira agertzen, elementuen eta emozioen izenak. Irudiak du garrantzia gehien, era intuitiboan jokatu dadin, euskarazko hitzak era errazean barneratuz.
\tJokotxoak eta jokoak interaktiboak dira, jokalariak erabakitzen ditu ekintzak.
\tEz dago denbora-mugarik, nahi beste denbora erabili daiteke joko bakoitza osatzeko.
\tAnimazio bideoak. Sarrera, jokoen tarteko azalpenak eta bukaera Io pertsonaiaren bidaia erakusten duten bideoak dira,
\tMiren Amuriza idazleak sortu ditu ibilbideko testu eta azalpenak, idatziz zein audioz entzun daitezkeenak.
\tEspreski jokorako sorturiko soinu banda eta soinu efektuak.

4 prestaketa jokotxo:
o\tArgia piztu
o\tBrotxara jauzi
o\tKitarra-artazia jo
o\tEmozioa aukeratu

4 joko:
o\tKUKUKA (Bikote jokoa)
o\tOKER-KER (Segida jokoa)
o\tKLIX-KLAX (Puzzle jokoa)
o\tBOR-BOR (Emozioen jokoa)

\tiOS eta Androiderako APPa. Edozein gailura, mugikor zein tabletetara egokitzen den formatuarekin.
\tHizkuntza: Euskara
\tKokojokoa guztiz dohakoa da eta ez du inolako datu pertsonalik behar ezta biltzen.

Weba: https://kokoak.eus/kokojokoa
Pribatutasun politika: https://kokoak.eus/kokojokoa-pribatutasun-politika
Kontaktua: [email protected]